RUS
SMARTNEWS.KZ басылымының хабарлауынша, Киев Ресей басып алған аумақтардан бас тартып, НАТО-ға кіру жолын қарастыруы мүмкін. Алайда Украина бұған кейбір шарттар орындалған жағдайда ғана келісетін көрінеді. Бұл туралы Украина президенті Владимир Зеленский америкалық журналист Лакс Фридманға берген сұхбатында айтып берді.
Сұхбат барысында журналист Зеленскийден «НАТО-ға кіру үшін Украинаның Луганск, Донецк, Запорожье, Херсон облыстарынан, сондай-ақ Қырымнан бас тартуға келісім бересіз бе?» деп сұрады.
«НАТО-ға мүше болу Украинада заңды түрде жасалмақ. Біз Украинаның басқа жер аумағын мойындамаймыз. Бірақ НАТО Украинаның бақылауындағы жерлерде әрекет ете алады, бұл туралы келісім жасауға да болады. Мен бұған сенімдімін!», - деді Зеленский.
Президенттің айтуынша, жерлерден бас тарту туралы шешім – Украина елі соғысты аяқтаудың дипломатиялық әдісін көргенде ғана қабылданбақ.
«Бұл бірінші талап, ал екіншісі – қару пакеті. Мен мұның не екенін көпшілік алдында айтуға дайын емеспін, бірақ президент Трамп бұл туралы анық біледі. Бұның бәрі негізінен АҚШ-тың ырқына байланысты. Өйткені Еуропалық Одақ береді, ішінара АҚШ береді. Бұл пакетке бірлік қажет», - деді Украина басшысы.
Зеленский АҚШ-тың жаңа сайланған президенті Дональд Трамп Ресей энергетикасын нарыққа шығармау үшін Ресейге қарсы санкциялар салуы керек деп қоса кетті. Ол бұның, ең алдымен, Вашингтон үшін тиімді болатынын атап өтті.