RUS
SMARTNEWS.KZ басылымының хабарлауынша, жантүршігерлік қылмыс Алматыда болған. Күдікті ерлі-зайыптыны атып, қашып кеткен күдікті ұсталған.
Полицейлер 20 желтоқсанда болған аса ауыр қылмыстың бетін ашып, күдіктіні қолға түсірген. Сол күнгі қарақшылық шабуыл салдарынан ерлі-зайыпты тұрғындар ауыр жарақат алған. Қазір олар ауруханада жатыр.
Аталған қылмысты ашу үшін жедел-тергеу тобы құрылып, шабуыл жасаған адамның кім екені анықталған. Ол - Жетісу облысының 38 жастағы тұрғыны. Ол бір күн бұрын ұсталып, қамауға алынды.
Күдікті әуелде жұмысшы ретінде ерлі-зайыптының үйіне жаңа жиһаздарын орнатып беру үшін барған. Сол уақытта олардың үйінен сейфті байқап қалып, оны тонағысы келген.
Ол тонау мақсаты үшін бетін медициналық маска мен шарф арқылы жасырып, жұма күні таңертең олардың есігінің қоңырауын басқан. Жәбірленушілерді тапаншамен қорқытып, олардан ақша беруін талап еткен. Алайда отағасы көмекке шақыра бастаған. Осы кезде күдікті үйдің иелерін аяусыз атып, қашып кеткен.
Күдікті сол сейфті тонау үшін келіп, артынша ерлі-зайыптыны атып кеткенін мойындап отыр.
Сотқа дейінгі тергеу әлі де жалғасып жатыр. Қылмыстың басқа да мән-жайлары анықталады.