RUS
SMARTNEWS.KZ басылымының хабарлауынша, полицейлер жас қызды өлімнен құтқарды.
ІІМ баспасөз қызметінің хабарлауынша, 16 қаңтарда Жамбыл аудандық полиция бөлімінің «102» пультіне хабарлама түскен. Қыздың айтуынша, Қарғалы ауылында тұратын құрбысы өмірмен есеп айырысуға ниетті болған.
Аталған мекен-жай бойынша шақыртуға патрульдік полиция жасағы кезекшіліктегі Ернар Құттыбаев пен Нұрбол Картанбаев барды.
Оқиға орнына келген полицейлер үйдің есігі құлыптаулы екенін анықтады. Көп ойланбай, олар терезені сындырып, ішке кіруге шешім қабылдаған. Бөлмелердің бірінде тәртіп сақшылар тамырларын кескен жас қызды тапқан.
Полицейлер жәбірленушіні дереу түрде ауыр жағдайда ауылдық ауруханаға жеткізді. Бақытына орай, дәрігерлер оның жағдайын тұрақтандыра алды, қазір ол жалпы бөлімге ауыстырылды, – делінген полиция хабарламасында.