«Қысқы етікпен бетімнен ұрды»: Асхат Садырбайдың екінші әйелі күйеуінен қалай таяқ жегенін айтты

SMARTNEWS.KZ басылымының хабарлауынша, танымал журналист Асхат Садырбайдың екінші әйелі Айғаным Болатқызының берген сұхбаты жұртты шошытты.

Ол бұрынғы күйеуінен көп қорлық көргенін ашып айтып, халықтан көмек сұраған. Бұл туралы Анна Данченкоға берген сұхбатында жеткізді.

«Біз отбасылы болған кезде 2019 жылы жанжал барысында көзімді ұрды. Бірақ қазір ол оны мойындамай отыр. Себебі мен дер кезінде сотқа бармадым. Көзім шығып кете жаздады. Алайда анасы екеуі үйді кілттеп қойып, мені ешқайда жібермей ұстап отырды. Ауруханалар дүйсенбі күні ашылатынын айтып, соған дейін күтуімді сұрады», – дейді Айғаным Болатқызы. 

Оның айтуынша, сот сараптамасынан да өткен кездері болған.

«Жай жұдырықпен ұрған болса екен, ол көзімді өзінің қысқы етігімен ұрды. Көзім қанталап кетті. Екі күн өткен соң өздері ауруханаға апарды. Қатты соққы деп жазып беріп, қалыпқа келуге ұзақ уақыт кетті. Қолымда сол кездегі медициналық сараптама бар. Оның алдында да «мені ұрдың, ажырасамын» деп Меркеде сот сараптамасынан өткенім бар. Бірақ ол кездегі құжаттарды қолыма бермеді, бірақ ол жағдай тіркеліп тұр. Қол көтеруі көп емес, бірақ жиі болып тұратын. Мен ұрысты болдырмайын деп далаға шығып кетейін деп есікке жүгіргенім де, етігімен ұрып үлгерді», – дейді Айғаным Болатқызы.

Айғаным Болатқызы Асхат Садырбай баланы өзіне алу үшін оны қайтадан сотқа беріп жатқанын айтты.