RUS
SMARTNEWS.KZ басылымының хабарлауынша, Дина Нұрпейісова атындағы Атырау академиялық қазақ халық аспаптар оркестрі мемлекеттік сатып алу порталында құны 1 063 000 теңге тұратын алтын түсті iPhone 16 Pro Max сатып алу туралы хабарландыру жариялаған. Бұл туралы azh.kz жазды.
Атап өткендей, «Мемлекеттік сатып алу туралы» Заңның 12-бабының 5-тармағына сәйкес, мемлекеттік сатып алу туралы ақпаратта тауар белгілеріне сілтемелер немесе нақты сипаттамалар болмауы тиіс. Бірақ оркестрдің жарнамасында дәл осы бренд пен нақты түс қажет екендігі анық айтылған.
Бұл факт белсенділердің ашуын келтірді. Олар смартфон шынымен оркестрдің жұмыс істеуі үшін қажет пе, әлде біреудің жеке пайдалануына арналған ба деген сауал көтерді. Оркестр директоры Хамиль Сүйекбаевтың айтуынша, гаджет шараларды түсіру үшін қажет, ал телефонның алтын түсті екенін көрсету мемлекеттік сатып алу порталымен жұмыс істейтін мамандардың қателігі деп санайды.
– Бұған дейін қызметкерлер жеке телефондары арқылы концерттерді түсіретін. Бірақ телефонның жады жетіспеушілігіне жиі тап болатын. Жаңа мамандық пайда болды - мобилограф. Осылайша біз мекеменің қажеттіліктері үшін смартфон сатып алуды шештік. Түс маңызды емес, ең бастысы ол жоғары сапалы түсіру үшін қажетті сипаттамаларға сәйкес келеді, – деді Сүйекбаев.
Оркестр смартфоннан бөлек штатив пен микрофон сатып алуды да жоспарлап отыр.