RUS
SMARTNEWS.KZ басылымының хабарлауынша, танымал актриса Жұлдыз Әбдікәрімова осыдан төрт жыл бұрын құны 170 миллион теңге болатын зәулім үйінен қалай айырылып қалғанын, оны күйеуі Қайрат Нұртасқа қалай жеткізгенін ашып айтты.
Өнер иесі Динара Сәтжанға берген сұхбатында баспана өзгертуге қатысты шешімге бармас бұрын күйеуімен ақылдасқанын айтты.
«Әлемде пандемия болып, карантин кезінен шыққан кезде бізде балалар әлі кішкентай еді. Балалар үйде қамалып отырып қалды, есік алдына шыққысы келеді. Дастарқан басында балалар жер үй болғаны жақсы деген сөздер айтып жүрді.
Үйді сату немесе алмастыру үшін заң түрінде жолдасыңның келісімі болуы керек. Сондықтан Қайрат бұл жайлы білді. Қайратпен бардық, көрдік, ақылдастық, әуежайға жақын екені ұнады. Ұсынысы бізге ыңғайлы болды. Қайратқа да ол жер ұнады» – деді актриса.
Оның сөзінше, Қайрат Нұртастың баспанаға қатысты сұрақтары көбейіп, күмәндана бастаған.
«Кейін Қайрат менен енді қашан болады деп сұрай берді. Ол күдіктене бастады. Негізі Қайраттың интуициясы өте жақсы дамыған. Ол 2022 жылдың соңында бірдеңе таза емес деді. Алаяқ болып шыққанын естігеннен кейін, әрине, Қайратқа айттым. Осындай жағдай болып қалды дедім. Ол сабырлықпен қабылдады.
Бастысы, аман болайық, еңбектеніп, тағы да бір үй алармыз деді. Енді не істейсің деді. Мен «соңына дейін барамын» дедім. Әйтпесе, ол алаяқ ертең өзгені де алдайды», – дейді өнер иесі.