RUS
SMARTNEWS.KZ басылымының хабарлауынша, Ақтөбе гарнизонының әскери соты сарбаздың денсаулығына орташа ауырлықтағы зиян келтіргені үшін 22 жастағы сержантты 1 жылға бас бостандығынан шектеу жазасына кесті. Бұл туралы Press.kz жазды.
Іс материалдарына сәйкес, сотталған 2024 жылдың 28 тамызы күні кешке казарма дәлізінде насыбай пайдаланып жатқан әскерге шақырылған азаматты байқап, оның ісінген төменгі ернін көрген. Әскери бөлімде насыбайды қолдануға тыйым салынғандықтан, сержант ескерту жасап, оны дереу жұтып қоюды талап етті, сарбаз мұны бұлжытпай орындаған.
Келесі күні сержант сарбазды киім кептіру бөлмесіне апарып, дене жаттығуларын жасауға мәжбүрлеген. Амалы таусылған жауынгер еденге құлап, насыбайды кімнен алғанын айтқан. Содан кейін сержант сарбазды кеңсеге апарып, куәгерлердің көзінше кітаппен бетінен ұрып, кейін бірнеше рет ұрып-соққан. Осыдан кейін жәбірленушінің құлағы шулай бастаған.
Сот-медициналық сараптама қорытындысына сәйкес, сарбаздың сол жақ құлағы жарылып, есту нервінің жедел невритімен асқынған және есту қабілетінің жоғалуы түріндегі құлақ қалқаны зақымдалғаны анықталған. Бұл жарақат денсаулықтың ұзақ уақытқа бұзылуына (21 күннен астам) әкелгендіктен, орташа ауырлықтағы дене жарақатына жатқызылды.
Сержант өз кінәсін мойындады. Бас бостандығын шектеу түріндегі жазадан бөлек, одан жәбірленуші 30 миллион сұрағанымен 2 миллион теңге төлеуге міндеттелді.
Сот үкіміне жәбірленуші тараптың өкілі наразылық келтіріп, азаматтық талапқа қатысты сот үкімімен келіспейтінін білдірді. Ол өмір бойы есту қабілетінен айырылғандықтан жәбірленуші мемлекеттік қызметке немесе құқық қорғау органдарына жұмысқа орналасу мүмкіндігінен айырылғанын атап өтті. Шағымда үкімнің күшін жойып, жәбірленушінің азаматтық талап арызын толық қанағаттандырып, өкіл жұмсаған қаражатты толық өндіруді сұраған. Бірақ сот үкімді өзгеріссіз қалдырды.