RUS
SMARTNEWS.KZ басылымының хабарлауынша, БҚО полиция департаментінің баспасөз қызметінен мәлім еткеніндей, солардың ішінде Бәйтерек ауданында тұратын ерлі-зайыптылар бар. Бұл туралы Kazinform жазды.
Алаяқтар үш күн бойы олардың сеніміне кіріп, соңында ер адамға әйел қоңырау шалып, табыс табу және қарыздарды төлеу бойынша көмек ұсынған. Алдымен алаяқтар 47 250 теңге аударуды сұраған. Үнемі бейнеқоңыраулар мен ақша аудару бойынша нұсқаулар нәтижесінде ерлі-зайыптылар несиелер алып, алаяқтардың есепшоттарына ақша аударған. Шығын сомасы 9 миллион теңгеден асты.
- Сондай-ақ зейнеткерлер компания қызметкерлері болып қоңырау шалған алаяқтардың құрбаны болды. Қоңырау шалушылар олардың SIM-картасының жарамдылық мерзімі аяқталғанын айтып, оны ұзарту үшін Aitu_Pass қосымшасынан келген кодты айтуды сұраған. Осыдан кейін банк қызметкері болып өзін таныстырған алаяқ қоңырау шалып, зейнеткердің атына несие рәсімделетінін хабарлаған. Нәтижесінде алаяқтар зейнеткерлердің депозиттеріне қол жеткізіп, 11 миллион теңгеден астам ақшаны иемденген. Полиция тұрғындарға абай болып, күмәнді қоңырауларға сеніп қалмау, жеке деректерді бермеу керектігін еске салады, - деп хабарлады.
Еске сала кетейік, бұдан бұрын Қазақстанның батысында есірткі жеткізу арналары жойылғанын жазған едік.