RUS
SMARTNEWS.KZ басылымының хабарлауынша, Алматы облысында кәсіпкер серіктесін өлтіріп, көлігімен бірге өртеп жіберген. Бұл туралы КТК арнасы жеткізді.
Алматы облысында бизнес серіктесі ер адамды өлтіріп, көлігімен бірге өртеп жіберген. Белгілі болғандай серіктестер өз ара табысты бөлісе алмаған.
Қарасай ауданындағы демалыс орнының маңынан жанып кеткен көлік пен мәйіт табылды. Оқиға орнында өртенген көліктің бөлшектері ғана қалған.
Полицейлер қылмыстық іс қозғап, көп ұзамай 43 жастағы күдіктіні ұстады. Қазір ол уақытша ұстау изоляторында.Мәліметтерге қарағанда, екі ер адам ортақ кәсіптеріне байланысты жанжалдасып қалған. Яғни жүк тасымалдаумен айналысатын серіктестер табыстарын бөлісе алмаса керек. Кейін күдікті құрдасын балғамен ұрып, іле-шала көлігімен қоса өртеп жіберіпті.
"Маған полиция таңертең, сағат 8-де лом алуға келді. Көлік жүк салғышының ішінде жатқан дейді. Жүк салғышын ашқан, ішінде күйіп кеткен мәйіт жатқан”, – дейді Алматы облысының тұрғыны Алмасбек Сарменбетов.