RUS
SMARTNEWS.KZ басылымының хабарлауынша, әлеуметтік желі қолданушысы тақырбас жігітінің жуынатын бөлмесінен сусабын тауып алып, оны сатқындық жасады деп айыптағанын айтты. Бұл туралы ол X (бұрынғы Twitter) желісінде жазды.
"Бұрынғы қарым-қатынасымда бәрі тым ашық еді. Жігітімнің шашы мүлде жоқ, өзі жалғыз тұрады. Бірақ бір күні ваннасынан сусабын тауып алдым. Бұл не сұмдық? Мен одан сұрағанымда, ол бұл сусабын анасыныкі екенін айтты", — деп жазды бойжеткен. Алайда ол бұл сөзге сенбеген, сөйтіп қарым-қатынасты бірден үзген.
Желі қолданушылары бұл оқиғаны қызу талқылап, ұқсас жағдайларымен бөлісті. Комментарийлердің бірінде тағы бір бойжеткен сүйіктісінің жуынатын бөлмесінен қызғылт түсті тіс щеткасын тауып, опасыздықты әшкерелегенін жазған. Ал әлгі жігіт те оны анасы пайдаланатынын айтқан. Бірақ бойжеткен бұл уәжге де сенбей, қарым-қатынасты тоқтатқан.
Желіде бұл жағдай «анасына сілтей салу – классика» деген әзілмен таралып, көптеген пікірталас туғызды.