RUS
SMARTNEWS.KZ басылымының хабарлауынша, Жамбыл облысында атасы 13 жастағы немересін зорлады деген күдікке ілінді.
Жамбыл облысының Меркі ауданында атасы 13 жастағы немересіне жыныстық зорлық жасады деп күдіктелуде. Оқиға 2024 жылдың 20 сәуірінде болған, деп хабарлайды полиция. Жәбірленушінің анасы бұл туралы e-Otinish порталы арқылы шағым түсірген.
Әйелдің айтуынша, 20 сәуірде қайын атасы үйге заңсыз кіріп, жасөспірімді зорламақ болған. Алайда, 21 сәуір күні полиция қызметкері оған мән бермей, бұл іс әкімшілік құқық бұзушылық ретінде қарастырылуы мүмкін деп жауап берген. Қыздың психологиялық жағдайы ауыр болып, ол бірнеше рет өзіне қол жұмсамақ болған, ақпан айында оны аман алып қалу жағдайы да болған.
Есесіне, әйел e-Otinish порталы арқылы Тараз қалалық полиция департаментіне шағымданады, соның нәтижесінде Қылмыстық кодекстің 124-бабы бойынша қылмыстық іс қозғалған (Он алты жасқа толмаған адамдарды азғындық жолға түсіру).
Дегенмен, күдікті әлі бостандықта жүр, ал әйел қайын атасының отбасына қоқан-лоқы көрсетуін тоқтатпағанын айтады. Меркі аудандық ішкі істер бөлімінің тергеушісі жәбірленушінің өтініштері мен айғақтарына қарамастан, қылмыстық істі тоқтату туралы қаулы шығарған.
Аталған жағдайға қатысты Stan.kz тілшісі Жамбыл облыстық полиция департаментінен мән-жайды сұрап білді.
Олардың мәліметінше, қыздың денесінде жарақат болмауына байланысты іс тоқтатылды.
«Аталған факті бойынша Қылмыстық кодексітің 124-бабы 1-бөлігі (Он алты жасқа толмаған адамға қатысты күш қолданбай азғындық әрекеттер жасау) бойынша қылмыстық іс қозғалды. Сотқа дейінгі тергеп-тексеру барысында жауап алынды. Сараптамалар тағайындалып, беттестіру жүргізілді.
Сараптама қорытындысына сәйкес, жәбірленушінің денесінде ешқандай жарақат жоқ. 2025 жылы 16 сәуірде Қылмыстық іс жүргізу кодексінің 35-бабының 1-бөлігі 2-тармағының (Іс бойынша қылмыстық құқық бұзушылық құрамының болмауынан) негізінде қылмыстық құқық бұзушылық құрамының болмауына байланысты қылмыстық іс тоқтатылды», – делінген хабарламада.