RUS
SMARTNEWS.KZ басылымының хабарлауынша, Гүлмира Зербай алғаш рет ел алдына шығып, тележүргізуші әрі журналист Дана Нұржігітке ашық сұхбат берді.
Гүлмира Зербайдың айтуынша, Бейсен Құранбек қатерлі ісікке шалдыққанын білгенімен, дәстүрлі ем-домнан, ауруханаға жатудан үзілді-кесілді бас тартқан. Оның сөзінше, сол кезеңде әртүрлі емші-балгерлер де дерттің себебіне қатысты түрлі болжамдар айтқан.
«Тәуіптер ішіне уайым түсіп кеткен дейтін, сыртынан оқытылған деді. Біраз уақыт жоғалтып алдық. Консервативті емге барайық дегенде өзі көнбей қойды. «Онкологиялық ауруханаға барғым келмейді, қайткен күнде де өзім жеңуім керек дейтін», - деді ол.
Марқұм журналист алғашында біраз уақыт бойы дәрі ішіп көрген. Алайда кейін толық тексеруден өтуден, онкологтарға қаралудан бас тартқан. Бір жылға жуық уақыт бойы дәрігерге мүлде бармаған.
«Мойындағысы келмеді ме, әлде әлсіз көрінгісі келмеді ме, білмеймін», - дейді жары туралы естелік айтқан Гүлмира Зербай.