RUS
SMARTNEWS.KZ басылымының хабарлауынша, АҚШ президенті Дональд Трамп 12 елдің азаматтарына елге кіруге тыйым салатын жаңа жарлыққа қол қойды. Бұл шешім келесі дүйсенбіде күшіне енеді.
Тыйым Ауғанстан, Мьянма, Чад, Конго Республикасы, Экваториалдық Гвинея, Эритрея, Гаити, Иран, Ливия, Сомали, Судан және Йемен елдерінің азаматтарына қатысты.
Сонымен қатар Бурунди, Куба, Лаос, Сьерра-Леоне, Того, Түрікменстан және Венесуэла тұрғындарына шектеулі режим енгізіледі.
АҚШ билігінің мәліметінше, жарлық ұлттық қауіпсіздікті қамтамасыз ету мақсатында қабылданған. Бұл шешім Трамптың 2025 жылғы 20 қаңтарда инаугурация күні қол қойған құжатымен бекітілген.
Бұған дейін Трамп 2017 жылы президенттік мерзімі кезінде мұсылман елдеріне қатысты ұқсас шектеулер енгізген. Ол кезде жеті елдің азаматтарына АҚШ-қа кіруге тыйым салынған болатын.
Жаңа тыйым АҚШ Мемлекеттік департаменті, Ішкі қауіпсіздік министрлігі және Ұлттық барлау директорының бірлескен талдауы негізінде қабылданған.