RUS
SMARTNEWS.KZ басылымының хабарлауынша, Астананың қақ ортасында орналасқан түнгі клубтың шатырында жартылай жалаңаш қыз би билеп, қоғамда резонанс тудырды. Оқиғаның видеосы 22 маусым күні түсірілген.
Telegram-дағы “Астана – Что? Где? Когда?” арнасында жарияланған бейнежазбада қыздың Достық көшесіндегі LION клубының төбесінде ашық-шашық киіммен би билеп тұрғаны көрінеді. Бұл мекеме — Министрліктер үйіне жақын жерде орналасқан.
Оқиға әлеуметтік желіде қызу талқыға түсіп, қала тұрғындары полиция мен әкімдікке тексеріс жүргізуді сұраған.
Астана қалалық полиция департаменті клуб әкімшілігіне "тыныштықты бұзғаны үшін" 25 АЕК (98 300 теңге) көлемінде айыппұл салынғанын хабарлады.
«Ал, би билеген қызға қатысты шара қолдану мәселесі заң аясында қаралып жатыр», — деді ведомствоның баспасөз қызметі.