RUS
SMARTNEWS.KZ басылымының хабарлауынша, Қазгидромет 31 шілдеге арналған дауылды ескертулер легін таратты. Ескертуге сәйкес, еліміздің барлық дерлік облысында ауа райы қолайсыз болады. Қатты жаңбыр, бұршақ, найзағай, дауыл және шаңды дауылдаркүтілуде. Сондай-ақ жел екпіні 15–28 м/с дейін жетеді.
Өрт қаупі жоғары
Қызылорда, Жамбыл, Абай, Атырау, БҚО, Маңғыстау, ШҚО және басқа да өңірлерде жоғары және төтенше өрт қаупі сақталады. Кейбір өңірлерде күн 35 градусқа дейін ыстық болады (Атырау, Абай, ШҚО).
Қолайсыз ауа райы күтілетін аймақтар:
Түркістан облысы – таулы аймақтарда найзағай, жел күші 20 м/с.
Ақтөбе облысы – күндіз оңтүстікте бұршақ, найзағай, дауыл.
Қызылорда – бұршақ, шаңды дауыл.
Қарағанды, Ұлытау, Ақмола, СҚО, Қостанай, Абай, ШҚО – жаңбыр, найзағай, бұршақ және желдің күшеюі.
Атырау мен БҚО – аптап ыстық және өрт қаупі.
Алматы мен Жетісу облыстары – таулы аудандарда найзағай мен қатты жел.
Тұман мен көрінудің нашарлауы:
Ақмола, СҚО, Қостанай мен Павлодарда таңертең тұман күтіледі.
Мамандар тұрғындарды сақ болуға, қажет болмаса сапар шекпеуге, ашық алаңда ұзақ уақыт болмауға шақырады.