RUS
SMARTNEWS.KZ басылымының хабарлауынша, 5 тамызда ел аумағында найзағай, бұршақ, қатты жел, шаңды дауыл мен 38 градусқа дейін аптап ыстық күтіледі. Қауіпті метеожағдайға байланысты бірқатар өңірде өрт қаупі өте жоғары деңгейге жеткен.
Батыс Қазақстан облысы
Облыстың батысы мен солтүстігінде найзағай, бұршақ және 35-38 градусқа дейін ыстық болады. Желдің жылдамдығы секундына 15-20 метрге дейін жетеді. Өрт қаупі жоғары, кей жерлерде өте жоғары деңгейге жеткен.
Түркістан облысы
Облыстың солтүстігінде шаңды дауыл көтеріледі. Жел екпіні 20 м/с. Түркістан және Шымкент қалаларында да өрт қаупі өте жоғары.
Қостанай облысы
Батысында найзағай, жел 20 м/с дейін күшейеді. Оңтүстігінде төтенше өрт қаупі сақталады.
Маңғыстау облысы
Күні бойы 38 градусқа дейін аптап ыстық. Түнде жел 18 м/с дейін күшейеді. Өңірдің батысы, оңтүстігі және орталығында өрт қаупі өте жоғары.
Жамбыл облысы
Таулы аудандар мен оңтүстікте найзағай күтіледі. Жел екпіні 20 м/с дейін жетеді. Солтүстік пен батыста өрт қаупі өте жоғары.
Ақтөбе облысы
Батыс пен оңтүстікте найзағай мен жел. Өрт қаупі жоғары. Желдің жылдамдығы – 20 м/с.
Ақмола облысы
Түнде және таңертең тұман түседі. Жел екпіні – 20 м/с.
Атырау облысы
Найзағай ойнап, 35-36 градусқа дейін ыстық болады. Солтүстік, батыс және шығыста өрт қаупі өте жоғары.
Павлодар облысы
Батысы мен оңтүстігінде тұман болады. Солтүстік пен шығысында өрт қаупі жоғары деңгейде.
Абай облысы
Түнде тұман күтіледі. Орталық пен оңтүстікте өрт қаупі өте жоғары.
Шығыс Қазақстан облысы
Солтүстік пен шығыста найзағай, тұман және қатты жел күтіледі. Өскемен қаласында қолайсыз метеожағдай режимі енгізілді.
Қызылорда облысы
Орталық, солтүстік және оңтүстікте шаңды дауыл болады. Жел 20 м/с дейін күшейеді. Өрт қаупі өте жоғары.
Ұлытау және Қарағанды облысы
Оңтүстікте төтенше өрт қаупі сақталады. Қарағанды қаласында жел бағытын өзгертіп, екпіні 20 м/с дейін жетуі мүмкін.
Солтүстік Қазақстан мен Астана
Түнде және таңертең тұман түседі.
Жетісу облысы
Таулы аудандар мен шығысында найзағай, ал оңтүстігінде өрт қаупі жоғары. Жел жылдамдығы 28 м/с дейін жетеді. Талдықорған қаласында да жел күшейеді.