RUS
SMARTNEWS.KZ басылымының хабарлауынша, Қазгидромет 8 тамыз күні Қазақстанның бірқатар облыстарында аптап ыстық, қатты жел, найзағай, бұршақ және өрт қаупіне байланысты дауылды ескертулер жасады.
Атырау облысы – Күндіз 35-38°C қатты ыстық күтіледі. Шығысында төтенше, ал солтүстігінде, оңтүстігінде және батысында жоғары өрт қаупі сақталады. Атырау қаласында да температура 36-38°C-қа жетеді.
Қызылорда облысы – Орталық және солтүстік аймақтарда шаңды дауыл, батыстан соққан желдің екпіні 15-20 м/с болады. Күндіз 40-41°C қатты ыстық күтіледі. Оңтүстігінде төтенше, солтүстігінде жоғары өрт қаупі бар.
Абай облысы – Батысында, солтүстігінде және орталығында найзағай, күндіз бұршақ болжанады. Жел оңтүстік-шығыстан солтүстік-батысқа ауысады, екпіні 15-20 м/с. Оңтүстігі мен орталығында төтенше өрт қаупі бар. Семейде күндіз найзағай болады.
Жамбыл облысы – Таулы аудандарда найзағай күтіледі, жел бағытын өзгертіп, 15-20 м/с-қа жетеді. Солтүстігі, батысы мен шығысында төтенше, ал орталығы мен оңтүстігінде жоғары өрт қаупі сақталады.
Батыс Қазақстан облысы – Солтүстік-батыстан және батыстан соққан жел күндіз солтүстігі мен шығысында 15-20 м/с болады. Температура 35°C. Барлық өңірінде жоғары өрт қаупі бар.
Түркістан облысы – Солтүстік-батыстан жел соғып, тау асуларында 15-20 м/с күшейеді. Өңірде төтенше өрт қаупі сақталады. Шымкент пен Түркістан қалаларында да қауіп деңгейі жоғары.
Ұлытау облысы – Таңертең және күндіз солтүстігі мен шығысында найзағай болады. Жел екпіні 15-20 м/с, күндіз 35-36°C. Оңтүстігінде төтенше, орталығында жоғары өрт қаупі бар. Жезқазғанда да қатты ыстық пен жел күтіледі.
Қарағанды облысы – Батысы, солтүстігі және шығысында қатты жаңбыр, найзағай, бұршақ және дауыл болжанады. Жел бағыты оңтүстік-батыстан солтүстік-батысқа ауысады, екпіні 15-20 м/с. Оңтүстігінде төтенше өрт қаупі бар.
Астана және Ақмола облысы – Облыстың батысы, оңтүстігі, шығысында найзағай, бұршақ, дауыл болады. Түнде және таңертең кей аймақтарда тұман түседі. Жел екпіні 15-20 м/с. Астанада да найзағай күтіледі.
Шығыс Қазақстан облысы – Батысында, солтүстігінде және шығысында найзағай, күндіз бұршақ болжанады. Желдің екпіні 15-20 м/с. Өскеменде күндіз найзағай болады.
Маңғыстау облысы – Солтүстік-батысында найзағай, батысы мен орталығында жел 15-18 м/с күшейеді. Күндіз 38-40°C аптап ыстық. Өңірде төтенше өрт қаупі бар.
Қостанай облысы – Батысында, шығысында және оңтүстігінде найзағай, күндіз бұршақ күтіледі. Кей аудандарда тұман. Жел 15-20 м/с. Оңтүстігінде төтенше өрт қаупі сақталады.
Павлодар облысы – Түнде батысы, солтүстігі және шығысында қатты жаңбыр, дауыл, найзағай күтіледі. Жел 15-20 м/с. Павлодарда да түнде қатты жаңбыр мен дауыл болады.
Ақтөбе облысы – Солтүстігі мен шығысында найзағай, оңтүстігінде 37°C қатты ыстық күтіледі. Жел екпіні 15-18 м/с. Оңтүстігінде төтенше, батысы мен оңтүстік-шығысында жоғары өрт қаупі бар.
Солтүстік Қазақстан облысы – Найзағай, күндіз бұршақ, кей жерлерде тұман күтіледі. Жел 15-20 м/с. Петропавлда да жел күшейеді.
Синоптиктер тұрғындарға ауа райының қолайсыздығына байланысты сақтық шараларын қатаң сақтауды ескертеді: ашық от пайдаланбау, алыс жолға шыққанда ауа райы болжамын қадағалау және жел мен найзағай кезінде қауіпсіз жерге паналау ұсынылады.