RUS
SMARTNEWS.KZ басылымының хабарлауынша, Қытайда жасөспірім қыздың жасаған қылмысы қоғамды дүр сілкіндірді. Ол өз жігітін алдап, шекара асырып, еңбек құлдығына сатып жіберген. Қыз түскен ақшаны Таиландта демалуға жұмсаған.
19 жастағы жігіт арумен танысқан соң, ол ата-анасы Мьянмада тұратынын және жұмысқа орналастыруға көмектесетінін айтқан. Қыз шетелге бірге баруға көндірген соң, 2025 жылдың басында екеуі Таиланд арқылы Мьянма шекарасына жеткен. Дәл осы жерде қарулы топ жігітке шабуыл жасап, құжаттары мен телефонын тартып алып, тар бөлмеге қамаған.
Жас жігітті күніне 20 сағат бойы онлайн-алаяқтықпен айналысуға мәжбүрлеген. Норманы орындамаған жағдайда оны металл таяқпен ұрып-соғып, аш қалдырған. Азаптаудың салдарынан жәбірленуші есту қабілетін ішінара жоғалтқан.
Қылмыскерлер оның ата-анасынан $48 мың талап етіп, тек төрт айдан кейін төлем жасалған соң ғана босатқан. Тергеу барысында қастандықты ұйымдастырғанның өзі сол қыз екені анықталды. Ол үлесі ретінде $14 мың алып, демалысқа кеткен.
Қытайға оралған соң, 17 жастағы бойжеткен полиция қолына түсті. Қазір оған адам саудасы мен алаяқтық бойынша айып тағылған.