RUS
SMARTNEWS.KZ басылымының хабарлауынша, Қазақстанның бірқатар облыстарында 1 қыркүйек күні ауа райының қолайсыздығына байланысты дауылды ескертулер жасалды.
Атырау облысы – күндіз облыстың батысы мен солтүстігінде шаңды дауыл тұрады. Жел оңтүстік-шығыстан, оңтүстіктен соғып, екпіні 15-20 м/с дейін жетеді. 35-37 градус қатты ыстық күтіледі. Өрт қаупі жоғары.
Абай облысы – батысында, солтүстігінде және оңтүстігінде найзағай, күндіз бұршақ күтіледі. Желдің екпіні 15-20 м/с. Семейде найзағай болады.
Ұлытау облысы – солтүстік және шығыс бөліктерінде найзағай болжанған. Жел солтүстік-батыстан соғады, күші 15-20 м/с. Жоғары өрт қаупі сақталады.
Қарағанды облысы – солтүстігі мен шығысында қатты жауын-шашын, кейде жаңбырдың соңы қарға ұласуы мүмкін. Бұршақ пен дауыл күтіледі. Желдің бағыты оңтүстік-батыстан солтүстік-батысқа ауысып, 15-20 м/с дейін күшейеді. Өрт қаупі жоғары.
Шығыс Қазақстан облысы – түнде солтүстігінде қатты жаңбыр, күндіз найзағай мен бұршақ болады. Жел екпіні 23 м/с дейін жетеді.
Түркістан облысы – солтүстігі мен батысында шаңды дауыл, жел 15-20 м/с. Төтенше өрт қаупі бар.
Ақмола, Қостанай және СҚО – түнде және таңертең тұман түседі. СҚО-да түнде жауын-шашын, жаңбыр қарға ұласуы мүмкін.
Батыс Қазақстан және Ақтөбе облыстары – 35-37 градусқа дейін ыстық болады. Өрт қаупі өте жоғары.
Маңғыстау облысы – оңтүстігінде шаңды дауыл, күндіз 38 градусқа дейін ыстық.
Қызылорда, Жамбыл, Жетісу және Алматы облыстарында – желдің күшеюі мен жоғары өрт қаупі сақталады.
Астана, Алматы, Шымкент қалаларында төтенше өрт қаупі бар, Астанада түнде тұман күтіледі.