RUS
SMARTNEWS.KZ басылымының хабарлауынша, Қазақстан Ресейдегі елшісі Дәурен Абаев ТАСС-қа берген сұхбатында елдегі орыс тілін меңгеру деңгейі туралы айтты. Оның сөзінше, республикада 95% халық орыс тілінде сөйлейді, бұл – елдің артықшылықтарының бірі.
«Қазақстанда шамамен 95% тұрғын орысша сөйлейді. Біз мұны өзіміздің күшті тұсымыз деп есептейміз. Әрине, басымдық – мемлекеттік тіл, қазақ тіліне беріледі, оның рөлі жыл сайын артып келеді. Бірақ сонымен қатар, біз халықтың бәрі орыс тілін білетініне қуаныштымыз, себебі бұл біз үшін үлкен мүмкіндік», – деді дипломат.
Елшінің айтуынша, Қазақстандағы 7 мыңға жуық мектептің шамамен 3 мыңында оқу орыс тілінде жүргізіледі. Бұдан бөлек, барлық мектепте орыс тілі міндетті пән ретінде оқытылады.
«Орыс тілі – Қазақстанда біз бәсекеге қабілеттілігімізді арттыратын тіл деп санаймыз», – деп түйіндеді Абаев.