Алматыда жігіт сүйіктісін үйленуге келіспегені үшін өлтіріп тастаған.
19 жастағы қызды өлтіріп, денесін қоқысқа тастаған жігітке сот үкім шығарды.
SMARTNEWS.KZ басылымының хабарлауынша, Алматыда 19 жастағы қызды буындырып өлтірген Қазығұрт ауданының тұрғыны Бахтиер У. кінәсін мойындап, 9 жылға бас бостандығынан айырылды.
Оқиға 2023 жылдың қарашасында тіркелген. Жігіт қалаға келіп, 19 жастағы қызбен үш күн бірге тұрған. Үшінші күні ол үйлену туралы ұсыныс жасаған, алайда қыз үзілді-кесілді бас тартқан. Осыдан кейін айыпталушы қызды электр сымымен байлап, буындырып өлтірген.
Қылмысты жасыру үшін ол «Кенжехан-1» базарынан үлкен қап сатып алып, мәйітті соған салып, қала сыртындағы сайға апарып тастаған. Марқұмның денесі тек екі айдан кейін табылды.
Тергеу барысында айыпталушы кінәсін толық мойындады. Қаза тапқан қыздың ата-анасы 100 млн теңге моральдық өтемақы талап еткен, алайда сот тек 10 млн теңге өндіріп беруді ұйғарды.
Сот үкімі күшіне енді.
Материал авторы
