Қандыағаш әкіміне әйелді соққыға жыққаны үшін айып тағылды

SMARTNEWS.KZ басылымының хабарлауынша, Мұғалжар аудандық сотында Қандыағаш әкімі Қазбек Аққайырға қатысты қылмыстық іс қаралуда. Оны әйел адамды ұрып-соққан деп айыптап отыр.

Жәбірленушінің сөзінше, әкім алғаш рет өз кабинетінде қол көтерген: мойнын қысып, жұдырық жұмсаған. Бұдан кейін ол бірден дәрігерлерге жүгінген. Сотта әйел 500 мың теңге моральдық өтемақы және 300 мың теңге адвокат шығынын өндіруді талап етті.

Айыпталушы өз кінәсін мойындамай отыр:

«Бұл әйелмен қарым-қатынасым болғанына өкінемін. Қазірдің өзінде отбасымның алдында салдарын тартып жатырмын. Соттан ақтап шығуды сұраймын», — деді ол.

Прокурор Қазбек Аққайырды ҚР ҚК 109-1-бабының 1-бөлігі («Денсаулыққа қасақана жеңіл зиян келтіру») бойынша кінәлі деп танып, 80 АЕК көлемінде (314 560 теңге) айыппұл салуды сұрады.

Сот ісі жалғасуда.