7 қазанда шаңды дауыл, тұманданып мен жел соғады

SMARTNEWS.KZ басылымының хабарлауынша, Қазгидромет еліміздің бірнеше өңірінде ауа райының қолайсыз болатынын ескертті.

Маңғыстау облысында 7 қазанда өңірдің батысы мен солтүстік-шығысында жоғары өрт қаупі сақталады.

Қызылорда облысында күндіз шаңды дауыл күтіледі, желдің екпіні 15–20 м/с-қа дейін жетеді.

Атырау облысының солтүстігі, оңтүстігі және шығысында төтенше өрт қаупі сақталады.

Жамбыл облысының таулы аудандарында тұман, ал түнде 1–3 градус үсік күтіледі.

Түркістан облысында 7–8 қазанда шығыстан жел соғып, шөлді аймақтарда төтенше өрт қаупі сақталады.

Ақтөбе облысында 7–9 қазан аралығында өңірдің көп бөлігінде жоғары және төтенше өрт қаупі болады.

Батыс Қазақстан облысында өрт қаупі жоғары деңгейде қалады.

Солтүстік Қазақстан, Ақмола және Қостанай облыстарында түнде және таңертең тұман түседі.

Жетісу облысында түнде 1–6 градус үсік, ал Алакөл көлдері ауданында желдің екпіні 20 м/с дейін күтіледі.

Алматы облысында түнде 1–6 градус үсік күтіледі.

Шығыс Қазақстан облысында екінші дәрежелі қолайсыз метеорологиялық жағдайлар туралы ескерту күшінде болады.