RUS
SMARTNEWS.KZ басылымының хабарлауынша, Павлодар облысына қарасты Солнечный ауылында болған өрт алты адамның өмірін қиды.
Төтенше жағдайлар департаментінің мәліметінше, өрт фермерлік қожалықтағы тұрғын үйден шыққан. Оқиға орнына шамамен 30 құтқарушы мен 10 техника жұмылдырылған.
Үй толықтай өртеніп, шатырдың бір бөлігі құлап түскен. От шаруашылық нысандарына да тараған. Жалпы өрт аумағы 920 шаршы метрге жуық болған.
Өрт кезінде үйде жеті адам болған. 1972 жылы туған ер адам өз күшімен сыртқа шығып үлгерген, қазір ол ауруханада ем алып жатыр. Алты адамның мәйіті өрт орнынан табылды, олардың кім екені анықталып жатыр.
Қазір тергеу амалдары жүргізіліп, өрттің шығу себебі мен нақты жағдайы анықталуда.