RUS
SMARTNEWS.KZ басылымының хабарлауынша, Астана іргесіндегі ауылдарда мал ұрлап, етін сатып келген үш жігіт арнайы жасақтың қатысуымен ұсталды.
Полицияның мәліметінше, күдіктілер — Ақмола облысының тұрғындары. Олар түнде өздері тұратын ауылдағы бір азаматтың қорасына кіріп, екі бие мен бір сиырды айдап әкеткен.
«Іздерін жасыру үшін малды орманға апарып сойған, етін көліктеріне тиеп, жартысын үйлеріне жасырған, қалғанын сатқан. Жедел іздестіру барысында тәртіп сақшылары орманнан малдың бас-терісін, ал трассаға апаратын іздерді анықтады. Сондай-ақ, бейнебақылау камералары күдіктілердің қозғалысын тіркеп, олардың жеке басын анықтауға мүмкіндік берді», – деді полиция өкілдері.
Тінту кезінде тәртіп сақшылары арқан, жүген және пышақтарды тәркіледі.
Қазір бұл дерек бойынша қылмыстық іс қозғалып, үш күдікті уақытша ұстау изоляторына қамалды. Тергеу кезінде олардың бұған дейін де ұқсас қылмыстар жасағаны белгілі болды.