RUS
SMARTNEWS.KZ басылымының хабарлауынша, 22 қазанда еліміздің бірқатар облыстарында өрт қаупі жоғарылап, кей аймақтарда тұман мен екпінді жел күтіледі.
Маңғыстау облысында және Ақтау қаласында жоғары өрт қаупі сақталады.
Атырау облысында түнде және таңертең тұман түседі. Солтүстік пен оңтүстікте төтенше өрт қаупі бар.
Жамбыл облысында таулы аудандарда тұман, солтүстік-шығысында желдің екпіні 15–20 м/с-қа дейін күшейеді.
Батыс Қазақстан облысында кей жерлерде қатты жаңбыр жауып, түнде тұман түседі. Оңтүстікте өрт қаупі жоғары.
Абай облысында түнде және таңертең тұман, оңтүстігінде өрт қаупі жоғары.
Қарағанды облысында шығыстан соққан желдің күші 15–20 м/с дейін жетеді.
Ұлытау облысында және Жезқазғанда жоғары өрт қаупі, оңтүстігінде төтенше өрт қаупі сақталады.
Ақтөбе облысында шығыс пен оңтүстікте жоғары, ал батыс пен орталықта төтенше өрт қаупі бар.
Қызылорда облысында төтенше өрт қаупі, ал солтүстігінде және орталығында жоғары өрт қаупі сақталады.
Қостанай облысында тұман күтіледі, оңтүстігінде төтенше өрт қаупі бар.
Жетісу облысында Алакөл маңында желдің екпіні 25 м/с-қа дейін күшейеді, түнде 1–3°С үсік күтіледі.
Павлодар және Солтүстік Қазақстан облыстарында түнде және таңертең тұман түседі.
Ақмола облысында тұман күтіледі, оңтүстік-батысында өрт қаупі жоғары.