RUS
SMARTNEWS.KZ басылымының хабарлауынша, Атырау облысының Құлсары қаласынан жоғалып кеткен 15 жастағы Жұлдызай Мұсағалиеваны полицейлер мен еріктілер іздеп жатыр. Қыз 24 қазан күні сағат 22:00 шамасында үйінен шығып, қайтып оралмаған.
Іздестіру тобының мәліметінше, ол алдымен Кұлсарыдан Атырауға барған, кейін Ақтөбеге жол тартқан. 29 қазанда «Автовокзал» аялдамасында оны Атыраудан танысы көрген. Қыз туысқандарына келдім деп айтқанымен, Ақтөбеде оның ешқандай ағайыны жоқ екені анықталды.
Содан бері Жұлдызай туралы дерек жоқ. Іздестіру он күннен аса жалғасып келеді.
Қыз жоғалған кезде үстінде қара костюм мен қара күртеше, қара шалбар, аяғында ақ аяқкиім болған. Қолында қоңыр сөмке мен қара қаптағы телефон болғаны белгілі.
Жоғалған жасөспірім туралы қандай да бір ақпарат білетіндерден 8-707-881-20-98 немесе 102 нөмірлеріне хабарласу сұралады.