RUS
SMARTNEWS.KZ басылымының хабарлауынша, Шығыс Қазақстан облысында тұрмысқа жанаспайтын әрекет жасаған ер адам сот шешімімен жазаға тартылды.
Шемонаиха ауданында 42 жастағы тұрғын қызғанышқа булығып, азаматтық некедегі жолдасын шынтағынан ұстап, жуынатын бөлмеге апарып, үстіне мұздай су құйған. Мұнымен ол әйелін «тыныштандырмақ» болған.
Сот бұл әрекетті отбасылық зорлық деп танып, ер адамға 40 сағат қоғамдық жұмыс міндеттеді. Ол пробациялық есепке алынып, Шемонаиха ауданында көшелерді тазалау жұмыстарына кірісіп кетті.
Қадағалау қызметінің мәліметінше, енді ол екі апта бойы қоғам игілігіне жұмыс істейді. Пробация қызметі оның әр минутын бақылауда ұстайды. Егер міндеттелген жұмыстан жалтарса, жаза қамауға алмастыру арқылы күшейтілуі мүмкін.
Сотта ер адамға түсіндіру жұмыстары жүргізіліп, отбасылық құқықбұзушылықтың алдын алу шаралары белгіленді.