RUS
SMARTNEWS.KZ басылымының хабарлауынша, Ақтөбеде ер адам аялдаманы қиратқаны үшін полицияға жеткізілген. Әлеуметтік желіде тараған видеода оның аялдама павильонының пластик қабырғасын тепкілеп сындырған сәті анық көрінеді. Оқиға 16 қараша күні Жалаңтөс батыр даңғылында болған.
Полиция мәліметінше, бұл – әкімшілік құқықбұзушылық. Тәртіп сақшылары күдіктінің кім екенін дереу анықтап, учаскеге жеткізген. Ол жасағанын мойындап, жауапқа тартылуға дайын екенін айтқан.
Қалалық полиция басқармасының басшысы Әсет Қалиев бұзақылыққа барған ер адаммен профилактикалық әңгіме өткізіп, қоғамдық мүлікке зиян келтірудің жауапкершілігін түсіндірді. Қазір іс бойынша процессуалдық шешім қабылдануда.