RUS
SMARTNEWS.KZ басылымының хабарлауынша, Астана – Шымкент бағытындағы Fly Arystan рейсінде бір жолаушының қатты мұрын қанауы салондағы жағдайды ушықтырды. Оқиға әуеге көтерілгеннен шамамен он минут өткенде болған.
Куәгердің айтуынша, жанында отырған қыз ұшу кезінде еңкейіп тынығуға тырысқан. Бір сәттен кейін көрші жолаушының мұрнынан тоқтаусыз қан аққанын байқаған. Жолаушының алдындағы жиналмалы үстелше қанға толып қалған.
Бортсеріктер майлық пен суық компресс үшін салқындатылған сусын берген. Жолаушының жағдайына алаңдаған борттағы дәрігер алғашқы көмек көрсетуге тырысып, борттық дәрі қобдишасын сұрағанымен, қажетті құралдар табылмаған. Дәрігер тек таңғыш салумен шектелген.
Куәгердің сөзінше, бортсеріктер жердегі мамандармен байланысып жатқанда, дәрігерді бірнеше рет орнына отыруға шақырған. Қан қысымын өлшеуге де рұқсат берілмеген. Куәгердің айтуынша, бортсеріктердің бірі дәрігерге «Ол өліп бара жатқан жоқ қой» деп жауап қатқан.
Ұшақ қонған соң экипаж жолаушыларды орындарынан тұрмауға шақырып, бортқа медицина қызметкерлерін кіргізген. Қатты қалшылдаған жолаушыны жедел жәрдем бригадасы алып кеткен.
Куәгер бұл жағдай борттық дәрі қобдишасының бар екенін, әрі ұшақтағы дәрігерлермен өзара іс-қимыл тәртібін қайта қарауды қажет ететінін айтады. Оның пікірінше, ахуал күрделірек жағдайда салдары әлдеқайда ауыр болуы мүмкін еді.
Fly Arystan өкілдері экипаж барлық әрекетті нұсқаулыққа сәйкес орындағанын мәлімдеді. Компанияның айтуынша, рейс кезінде MedLink мамандарымен байланыс орнатылған, ал дәрі қобдишасының құрамы авиациялық нормаларға сай. Пероксидтің (сутегі тотығы) кірмейтінін, себебі оның теріні тітіркендіру немесе аллергия тудыру қаупі бар екенін атап өтті. Оның орнына әмбебап антисептиктер қолданылады.