RUS
SMARTNEWS.KZ басылымының хабарлауынша, «Қазгидромет» 2025 жылғы 18 желтоқсанға арналған бірқатар дауылды ескертулерді жариялады. Синоптиктердің мәліметінше, ел аумағында көктайғақ, қар, жаяу бұрқасын, тұман және желдің күшеюі болжануда.
Ақтөбе облысында 18 желтоқсанда көктайғақ, сондай-ақ өңірдің батысында, солтүстігінде және шығысында қар мен жаяу бұрқасын күтіледі. Ақтөбе қаласында да жолдар тайғақ болады.
Жетісу облысында Алакөл маңында батыстан соғатын желдің екпіні 15–20 м/с, кей уақытта 23–28 м/с-ке дейінжетуі мүмкін. Өңірдің орталығы мен таулы аудандарында тұман мен көктайғақ болжанып отыр. Талдықорғандатүнгі және таңғы уақытта тұман күтіледі.
Қарағанды облысының батысы, солтүстігі мен шығысында қар жауып, жаяу бұрқасын соғады. Түнде және таңертең кей аудандарда тұман түседі.
Алматы облысының таулы аудандарында кей уақыттарда қатты қар жауады. Өңірдің оңтүстігінде көктайғақ пен тұман күтіледі. Алматы қаласында және Қонаевта да жолдар тайғақ болады.
Атырау облысында, соның ішінде Атырау қаласында, көктайғақ пен тұман болжанған.
Шығыс Қазақстан, Абай, Солтүстік Қазақстан, Қостанай, Ақмола және Батыс Қазақстан облыстарындақар, жаяу бұрқасын, тұман және желдің екпіні 15–20 м/с-ке дейін күшеюі мүмкін.
Түркістан облысының таулы аудандарында түннің бірінші жартысында қатты қар жауып, жаяу бұрқасын соғады. Шымкент пен Түркістан қалаларында тұман күтіледі.
Жамбыл облысында да қар, бұрқасын, тұман мен көктайғақ болжанған. Таулы аймақтарда жел күшейеді.
Маңғыстау облысының солтүстік-шығысында тұман мен көктайғақ болуы мүмкін.