RUS
SMARTNEWS.KZ басылымының хабарлауынша, 12 қаңтарда Қазақстанның басым бөлігінде ауа райы күрт нашарлайды. «Қазгидромет» таратқан дауылды ескертулерге сәйкес, елдің бірнеше өңірінде қар мен жаңбыр аралас жауын-шашын, бұрқасын, көктайғақ, қалың тұман және екпінді жел болжанып отыр.
Жетісу облысында күндіз тұман түсіп, желдің екпіні 15–20 м/с-қа дейін күшейеді.
Түркістан облысының таулы аймақтарында түнде қатты жауын-шашын күтіледі, Шымкент пен Түркістан қалаларында жел күшейіп, тұман түсуі мүмкін.
Ұлытау, Қарағанды, Ақмола облыстарында қар, бұрқасын мен көктайғақ болады, кей жерлерде желдің жылдамдығы 23–25 м/с-қа жетеді.
Абай және Шығыс Қазақстан облыстарында қатты қар жауып, боран соғады, жел екпіні 28 м/с-қа дейін күшеюі ықтимал.
Атырау, Батыс Қазақстан, Ақтөбе, Маңғыстау облыстарында тұман мен көктайғақ күтіледі, жел екпіні 15–25 м/с.
Павлодар, Қостанай, Солтүстік Қазақстан облыстарында қар жауып, жаяу бұрқасын болады.
Алматы облысында 12–14 қаңтар аралығында таулы және оңтүстік аудандарда тұман сақталады.
Жамбыл облысында тұман, көктайғақ және қатты жел болжанып отыр.
Астанада 12 қаңтарда қар, бұрқасын және көктайғақ күтіледі.