RUS
«Қазір алаяқтық қылмысының өршігені байқалады. Осыған орай, тұрғындарға жеке құжаттары мен мәліметтеріне, қаражатына мұқият болу қажеттілігін үнемі ескертіп келеміз. Алайда, тұрғындар алаяқтарға әлі алданып жатыр. Әлеуметтік желіде несие ресімдеуге көмек көрсету ұсынысы арқылы 80-ге жуық адамды алдап, жалпы құны 80 млн теңге залал келтірген. Қарағанды қаласының тұрғыны анықталып, ұсталды. Оған қатысты қылмыстық іс сотқа жолданды», - деп хабарлады Нұрхат Оразбаев.
Оның айтуынша, үлестік құрылысқа қаражат салу нәтижесінде зардап шеккен жәбірленушілер қатары өскен.
«Департаменттің тергеу басқармасының қызметкерлері «Байсанат», «Қазанат», «Family town» және «Сарайшық» тұрғын үй құрылыс кооперативтеріне қатысты тіркелген істі тергеп жатыр. Бұған 1 млрд теңгеден астам қаражат салған 161 жәбірленушінің арызы себеп болды», - деп мәлім етті Нұрхат Оразбаев.
Еске сала кетелік, бұдан бұрын оқу орталығына алданғанатыраулықтар облыс әкіміне шағымданғанын хабарлаған болатынбыз. Атырау облысының әкімі Серік Шәпкеновтің қабылдауына 13 ата-ана шағым айта келді. Олар «МегаМозг» оқу орталығына балаларына қосымша білім беру үшін бір жылдың ақшасын төлеген.
«Барлық жәбірленушінің арызы қабылданды. Тергеу амалдары аяқталды. Орталыққа 145 адам алданған. Күдікті қамауға алынды. Бұл іске қатысты қолжазба және фоноскопиялық сараптама тағайындалды. Сараптама қорытындысы алынған соң, іс сотқа жолданады. Күдікті төрт әйелге қатысты шешім қабылданады», - деп мәлім еткен еді Атырау қаласының прокуроры Руслан Айтимов.