RUS
SMARTNEWS.KZ басылымының хабарлауынша, рэпер Qarakesek есірткі заттарын заңсыз сақтағаны үшін сот шешімімен қоғамдық жұмыстарға тартылды.
Сот үкіміне сәйкес, ол Қазақстан Республикасы Қылмыстық кодексінің 296-бабы 3-бөлігі бойынша кінәлі деп танылып, небәрі 100 сағат қоғамдық жұмыс өтеуге міндеттелді. Сонымен қатар сот оны мәжбүрлі түрде нашақорлықтан емдеуге жіберу туралы қаулы шығарды.
Іс бойынша шешімді Ақтөбе қаласының №2 соты қабылдаған.
Айта кетейік, сот отырыстарының біріне Qarakesek келмеген. Осыған байланысты сот оны мәжбүрлі түрде жеткізу туралы ұйғарым шығарған.
Тергеу материалдарына сәйкес, рэпер былтыр 30 тамызда Ақтөбе қаласының орталығында жедел іс-шаралар барысында ұсталып, одан мефедрон есірткі заты табылған. Медициналық сараптама оның көлік құралын есірткілік мас күйде басқарғанын да растаған. Бұған дейін осы құқықбұзушылық үшін Qarakesek 15 тәулікке қамауға алынып, сондай-ақ 7 жылға жүргізуші куәлігінен айырылған болатын.