Шымкентте санэпидбақылау басқармасының басшысы пара алды деген күдікке ілінді
Антикор қызметкерлері басқарма басшысын пара алып жатқан сәтте әшкерелеген.
SMARTNEWS.KZ басылымының хабарлауынша, Шымкентте Тұран аудандық санитариялық-эпидемиологиялық бақылау басқармасының басшысы Мұрат Бейсенбаев пара алды деген күдікпен ұсталды. Бұл туралы Kozachkov offside жазды.
Тергеу нұсқасына сәйкес, шенеунік кәсіпкерлерден жүйелі түрде ақша алудың жолын ұйымдастырған. Пара қарамағындағы қызметкерлер арқылы беріліп, оның орнына кәсіпкерлерге санитариялық-эпидемиологиялық талаптарға сай деген оң қорытындыны кедергісіз рәсімдеуге көмектескен деген күдік бар.
Осы дерек бойынша Қылмыстық кодекстің 366-бабы 2-бөлігімен сотқа дейінгі тергеу басталды. Аталған бап елеулі мөлшерде пара алуға немесе адамдар тобының алдын ала сөз байласуы арқылы пара алу фактілеріне қатысты.
Қазір тергеу жалғасып жатыр. Іс бойынша өзге мәліметтер тергеу мүддесіне байланысты әзірге жарияланбайды.
Материал авторы
