«Альби» ломбардтары ісі: 21 пәтер мен қонақүйге тыйым салынды
Қаржылық мониторинг агенттігінің мәліметінше, қылмыстық жолмен алынған табыс 146 миллион теңгеден асып, іс сотқа жіберілген.
SMARTNEWS.KZ басылымының хабарлауынша, Қазақстанның Қаржылық мониторинг агенттігі Алматы және Түркістан облыстарында жұмыс істеген «Альби» ломбардтары желісінің заңсыз қызметін тоқтатты. Тергеу нұсқасына сәйкес, ұйым тәулігіне 2 пайызбен несие беріп, қылмыстық жолмен 146 миллион теңгеден астам табыс тапқан. Іс бойынша күдіктінің 21 пәтері мен қонақүйін қоса алғанда, бірқатар мүлкіне тыйым салынды. Бұл туралы Azattyq Rýhy басылымы жазды.
Агенттік мәліметінше, бұған дейін «Альби-Ломбард» ЖШС микроқаржылық қызмет көрсететін ұйымдардың тізілімінен шығарылған. Осыдан кейін компания ломбард қызметімен айналысу құқығынан айырылған. Алайда ұйым атауын «Альби-КМ» ЖШС деп өзгертіп, несие беруді жалғастырған.
Желі бөлімшелері негізінен базарлар мен сауда үйлерінің маңында орналасқан. Клиенттерді тарту үшін кепілге қойылған заттарды жоғары бағалауға және несие тарихына әсер етпейтініне уәде беретін жарнама пайдаланылған.
Сонымен бірге тергеу деректеріне сәйкес, компания қарызды тәулігіне 2 пайыздық мөлшерлемемен берген. Бұл заңнамада белгіленген тәулігіне 0,3 пайыздық шекті мөлшерден алты еседен астам жоғары.
Қаржылық мониторинг агенттігінің хабарлауынша, несие беру келісімдері бұрынғы «Альби-Ломбард» ЖШС-нің мөрлері пайдаланылған кепіл билеттері арқылы рәсімделген. Есеп айырысу қолма-қол ақшамен және бақылаудағы жеке кәсіпкерлердің банк шоттары арқылы жүргізілген.
Ведомствоның дерегінше, қылмыстық жолмен алынған табыс 146 миллион теңгеден асқан.
Күдіктіге қатысты елден шықпау және тиісті мінез-құлық сақтау туралы қолхат түріндегі бұлтартпау шарасы қолданылған. Сот санкциясымен оның мүлкіне тыйым салынды. Тізімге 21 пәтер, бес жер учаскесі, жеті автокөлік, жеті гараж, екі дүкен және бір қонақүй кірген.
Қылмыстық іс сотқа жолданды. Күдіктінің кінәсі соттың заңды күшіне енген үкімімен анықталуға тиіс.
Материал авторы
