Apple, Google, Microsoft топ-менеджерлері Astana Hub технопаркімен танысты

08.06.2023, 14:14
590
Apple, Google, Microsoft топ-менеджерлері Astana Hub технопаркімен танысты astanahub.com

Astana Hub халықаралық технопаркіне АҚШ трансұлттық және технологиялық компанияларының, соның ішінде Apple, Microsoft, Google, Chevron, ExxonMobil, Boeing, Bechtel, Baker Hughes, Coca Cola, S&P Global, General Electric, GE Healthcare, EPAM Systems, Coursera Honeywell, Valmont Irrigation және т.б. топ-менеджерлері келді, деп хабарлайды smartnews.kz сайты Astana Hub-қа сілтеме жасап.

Делегацияны АҚШ Сауда палатасының вице-президенті Куш Чокси мен Қазақстан Республикасының АҚШ-тағы төтенше және өкілетті елшісі Ержан Ашықбаев алып келді.

«Бұл АҚШ сауда миссиясының Қазақстанға бірінші сапары. Құрамында жиырмадан астам америкалық компания бар, соның ішінде көбі әлемге әйгілі. Қазақстан – америкалық бизнес қауымдастығы үшін ең шалғай нарықтардың бірі. Соған қарамастан, бұл компаниялардың елімізге келуі қазақстандық нарыққа деген ерекше қызығушылығын көрсетеді. Дипломат ретінде біз екі ел арасындағы қарым-қатынасты нығайтуға ұмтыламыз», - деді Қазақстан Республикасының АҚШ-тағы төтенше және өкілетті елшісі Ержан Ашықбаев.

ҚР ЦДИАӨМ вице-министрі Асқар Жамбакин және Astana Hub бас директоры Мағжан Мәдиев қонақтарға Қазақстанның IT-экожүйесі және технопарк қызметі туралы баяндады.

Сондай-ақ шетелдік қонақтар Astana Hub жанындағы Блокчейн орталығы және Alem мектебімен танысты. Олар технопарктің жоғары әлеуетіне тәнті болып, алдағы уақытта Қазақстан компанияларымен ынтымақтастық орнатуға ықылас танытты.

«Біз Astana Hub-пен Microsoft Startups экожүйесін дамыту бойынша жұмыс істегіміз келеді. Технопарк IT-экономика мен ресурстарын дамытуға ықпал ететін білім саласын дамытуға бастамашы болып отырғаны керемет екен, бұл біздің корпорацияның мақсатына сай келеді» - деді Орталық Еуропа бойынша Microsoft бас директоры Мишель Саймонс.

Делегация назарына технопарк қатысушыларының жобалары - Voiceloft, Kid Security, Black Ice AI, Goat Chat стартаптары ұсынылды.

«Astana Hub-қа әлемдік нарықтың көшбасшылары келгеніне қуаныштымыз. Біз қазірдің өзінде EPAM, Microsoft, Google for Startups компанияларымен белсенді жұмыс істеп жатырмыз және әрқашан жаңа мүмкіндіктер мен серіктестікке дайынбыз. Бүгін біз технопарк қызметі мен коллаборация нәтижесітуралы әңгімелестік, Қазақстанға ғана емес, басқа елдерге де тиімді және қолайлы болуға қауқары бар стартаптарымыз - инновациялық жобаларды таныстырдық», - деді Astana Hub бас директоры Мағжан Мәдиев.

Еске салсақ, Astana Hub – Орталық Азиядағы ең ірі халықаралық технологиялық парктердің бірі. Қазіргі уақытта технопаркте мыңнан астам қатысушы бар. Олар 14 мыңнан астам жұмыс орнын ашты. Astana Hub-тың білім беру бағдарламаларында 20 мыңнан астам адам оқыды және 2 мыңнан астам адам инкубациялық және акселерация бағдарламаларынан өтті.

«Бар болғаны 85 шаршы метр»: Мәдина Сәдуақасова Алматының ең қымбат ауданынан қымбат пәтер сатып алғанын айтты Дариға Назарбаева Дубай әуежайында жүр «Жағдайын көре тұра, көмектеспеген»: 25 жастағы жүкті әйелдің өліміне кінәлі аурухана дәрігерлері жазасын алды Елімізде әрбір бесінші әйел қатерлі ісіктен қайтыс болады Алматыда жүк көлігі 7 жасар қызды басып өлтірді (ВИДЕО) «Біреуі домбыраны харам дейді, біреуі туды қорлайды» – депутат Ермұрат Бәпи Абай облысындағы мектеп директоры мұғалімдеріне сарай мен монша салдырған Forbes әлемдік рейтиңінде қанша Қазақстан миллиардері жүргені анықталды Таиландта жұмыс істейтін Қазақстан азаматы жантүршігерлік жол апатынан қаза болды «Тіктіріп үлгермей жатырмын»: Гүлзира Айдарбекова ұлының сахнада костюмін сыйлап жібере беретінін айтты «Түнімен тігіп едім»: Түркиядағы митингке байланысты Динара Сәтжанның той көйлегі жете алмай қалды Астанада әкімдік жанындағы саябақтан Назарбаевтың суреттері алып тасталды «Күйеуге шыққанда қоямын»: Назым Қызайбай тұрмыс құрғасын боксты қоятынын айтты Екі жақты татуластыруға тыраштанып жүрген Трамп Ресей мен Украина президенттерінен көңілі қалғанын айтты Елімізде алдағы күндері ауа райы +35 градусқа дейін ыстық болмақ Forte Kulanshi Art Space: Астаналық арт-ортаның жаңа белесі Словения президенті Димаштың жанкүйері болып шықты «Qoslike» бағдарламасының жүргізушісі ұзатуында өзіне тілек айтып, халықтан сөз естіді (ВИДЕО) Енді жеке куәлікті онлайн алуға болады «Chanel, Dolce & Gabbana және Prada»: Тұрсынбек Қабатовтың әйелі туған күніне келген сыйлықтарды көрсетті