RUS
Жыл басынан бері солтүстік қазақстандық полиция қызметкерлері көршілес елдердің сұрауы бойынша қылмыс жасады деген күдікке ілінген 20 адамды анықтаған. Ведомствоның хабарлауынша, негізінен, ресейлік әріптестермен ынтымақтастық жүргізіліп жатқанға ұқсайды.
Сондай-ақ кезекті жүргізілген жұмыстардың бірінде Армения аумағында алаяқтық жасауға қатысы бар күдікті анықталған. Айта кету керек, алаяқтық деректері ұрлық, жол-көлік оқиғаларымен бірге көрші елдердің сақшылары жіберетін сұрауларға жиі негіз болады.
Бұдан бөлек, күзетпен қамауда ұстау туралы бұлтартпау шарасы таңдалған тағы екі адам ұсталған. Олардың біреуі Өзбекстанға экстрадицияланды. Ол қарақшылық жасағаны үшін іздеуде болған. Екінші адамды сот үкімі күтіп тұр, ол Ресей Федерациясының Омбы облысында алаяқтық жасады деген күдікпен іздестірілген. Сондай-ақ ресейлік әріптестермен бірлесіп жүргізген жұмыстар нәтижесінде Ханты-Мансийск автономды округінің және Санкт-Петербург қаласының аумағында 59 және 49 жастағы СҚО тұрғындары ұсталған. Біріншісін денсаулыққа қасақана ауыр зиян келтіргені үшін Мағжан Жұмабаев ауданының полицейлері, екіншісін ауыр ұрлық жасағаны үшін Петропавл полицейлері іздестірген.
Аталған фактылерге қатысты СҚО ПД криминалдық полиция басқармасының бастығы Марат Жұмалиев пікір білдірді.
- Мемлекеттердің ішкі істер органдарының тығыз қарым-қатынасы полиция жұмысының тиімділігін арттырады және жасалған қылмыстар үшін жазадан бұлтартпау қағидатын іске асыруға ықпал етеді, – дейді ведомство өкілі.