Қарағанды облысында депутат көлікпен балалар мен 9 сиырды қағып кетті
Қарағанды облысында мәслихат депутаты балалар мен 9 сиырды көлікпен қағып кетті, деп хабарлады smartnews.kz сайты Telegram-дағы «Вечерняя Караганда» арнасына сілтеме жасап.
Nissan көлігін 33 жастағы аудандық мәслихат хатшысы, AMANAT партиясының депутаты басқарған. Ол Ботақара-Доскей тасжолымен жүріп бара жатқан.
Бұл деректі Қарағанды облысының полиция департаменті растады.
Биыл 2 шілдеде Ботақара-Доскей тас жолында Nissan-ды басқарған 33 жастағы әйел малдарға соғылған. Осыдан кейін жүргізуші көліктің рөліне ие бола алмай, мотоцикл мінген 8 және 16 жастағы балаларды соққан. Олар түрлі дене жарақатымен ауруханаға жатқызылды, - деп жазылған хабарламада.
Полиция деректі тіркеді. Тиісті сараптама тағайындалып, сотқа дейінгі тергеу амалдары жүргізіліп жатыр.