RUS
Алматыдағы Бостандық ауданының тұрғындарымен кезекті кездесуінде әкім қазіргі қаладағы жөндеу жұмыстарына қатысты пікірін білдіріп, тұрғындардан келеңсіздік үшін кешірім сұрады.
Досаевтан тұрғындардың бірі әкімдік не үшін бірден екі маңызды көшелер, яғни Әл-Фараби мен Абай көшелерінде жөндеуді бастап, өзге айналма жолдарды қарастырмағанын сұрады.
"Қолайсыздықтар үшін өз атымнан, әрі әкімдіктің атынан кешірім сұраймын. Дегенмен өкінішке қарай, тек Алматыны ғана емес, кез келген мегаполисті дамыту үшін әуелі жол инфрақұрылымын тәртіпке келтіру қажет", - деп жауап берді Алматы қаласының әкімі.