Жас әнші Шерхан Арыстан Халықаралық байқауда Гран-при жеңіп алды
12 жасар Шерхан Арыстан «Витебск» Халықаралық балалар байқауында Гран-приге ие болды. Бұл туралы smartnews.kz сайты хабарлайды.
Шерхан өз жүлдесін «Витебсктегі Славян базары» XXXII Халықаралық өнер фестивалінің ашылу салтанатында, Беларусь президенті Александр Лукашенконың қолынан жүлдесін алды.
Байқаудың әділ қазылары Шерханға жарыстың екі күнінде де максимал баға қойған. Осылайша ол өзге қарсыластарынан ұпай саны бойынша алға шығып, байқауда абсолют жеңіске жетті.