RUS
Антикор мен Төтенше жағдайлар министрлігі бірлесіп, осы ведомствоның бөлімше басшыларының заңсыз әрекеттерінің жолын кескен.
Жасырын іс-шаралардың нәтижесі бойынша ТЖМ Өртке қарсы қызмет комитетінің төрағасы, сондай-ақ Шымкент қаласы мен Жетісу облысы бойынша ТЖД бастықтары парақорлыққа қатысы бар екені әшкереленді.
Олар өртке қарсы қауіпсіздік саласындағы қамқорлығы үшін кәсіпкерлерден жүйелі негізде пара алып, тексерілетін ұйымдарды келісімшарттар жасау арқылы олардың қызметтерін сатып алуға, әрі уақтылы ақы төлеуге мәжбүрлеген деген күдікке ілінді.
Агенттіктің берген ақпаратына сәйкес, пара сомасы 100 мыңнан 4 млн теңгеге дейінгі аралықты құрап отыр.
Бұдан бөлек, ТЖМ Өртке қарсы қауіпсіздік комитетінің төрағасы заңсыз ақшалай сыйақы үшін Ұлытау облысы бойынша ТЖД басшыларының біріне қамқоршылық жасаған.
Күдіктілер ұсталып, уақытша ұстау изоляторына қамалған. Қазір сотқа дейінгі тергеу жалғасып жатыр. Сондай-ақ аталған лауазымды адамдардың басқа да жемқорлық құқық бұзушылықтарға қатыстығы тексеріліп жатыр.