RUS
Алаяқтықпен айналысты деген күдікпен ұсталғандар алдын ала дайындалған схема бойынша жұмыс жасаған. Күдіктілердің бірі Шарапиев С., валют тауып әкелумен айналысса, Жакупов Т. және Шаймердинов А. есімді азаматтар Қостанай облысының аумағында сатса, ал Астана аумағында таратуды ерлі-зайыпты Бердімұратовтар жүргізген.
Сотқа дейінгі тергеу барысында күдіктілерден 30 000 жалған доллардың 28 600-і анықталып, тәркіленген.
Қаржылық мониторинг агенттігінің хабарлауынша, аталған қылмыстарды жасағаны үшін сотталушыларға «Жалған ақша немесе бағалы қағаздар жасау, сақтау, алып өту немесе өткізу» бабымен, сондай-ақ жәбірленушілерді алдау фактілері болғандықтан «Алаяқтық» бабы бойынша айып тағылған.
«Сот үкімімен Шарапиев С. ең төменгі қауіпсіздік мекемесінде 5,5 жылға бас бостандығынан айыру жазасына, Шаймердинов А. мен Жакупов Т. орташа қауіпсіздік мекемесінде 5,5 жылға дейін, Бердімұратовтар жұбайлары шартты түрде 5 жыл 2 айға бас бостандығынан айырылды», - делінген ведомство хабарламасында.