RUS
Биылғы жылдың 2 тоқсан қорытындысы бойынша өндірістегі жазатайым оқиғалардан 640 жұмыскер зардап шегіп, оның 69-ы қаза тапқан. Бұл ретте биылғы 6 айда 2022 жылмен салыстырғанда 4%-ға төмендеген.
ҚР Еңбек және халықты әлеуметтік қорғау министрлігінің Еңбек және әлеуметтік қорғау комитетінің мәліметі бойынша, республиканың өнідірістік аймақтарында жарақат алу оқиғалары жоғары деңгейде сақталып отыр.
Мәселен, Қарағанды облысында - 79 адам, ШҚО-да – 53 адам, Абай облысында – 50 адам, Павлодар облысында – 46 адам, Қостанай облысында – 44 адам, Ақтөбе облысында – 40 адам зардап шеккен. Сондай-ақ, Алматы қаласында 50 адам жазатайым жарақат алған.
Жазатайым оқиғалардың орын алуының негізгі себептері: жәбірленушінің өрескел абайсыздығынан, өндірістегі жұмыстың тиісті деңгейде ұйымдастырылмауынан, еңбек қауіпсіздігі мен еңбекті қорғау ережелерін бұзудан және жол қозғалысы ережелерін сақтамаудан орын алады.