RUS
СҚО-ның қылмыстық істер жөніндегі мамандандырылған ауданаралық соты «зорлау және кәмелетке толмағандарға қатысты жыныстық сипаттағы өзге де іс-әрекеттер» бабы бойынша 8 жасар қызды зорлаған сотталушы Иван Мальченкоға қатысты шешім шығарды.
1995 жылы туған Иван Мальченко Петропавлдағы Ойқала шағын ауданында былтыр 13 шілде күні 8 жасар қызды зорлаған.
Ер адам 2004 жылдан бастап психикалық ауруына байланысты психиатриялық ауруханада есепте тұрған. Бұған дейін бірнеше рет сотталған, соңғы рет ауыр қылмыс жасаған ол 2021 жылдың желтоқсанынан бастап Ольшанка ауылында қауіпсіздігі төмен мекемеге ауыстырылған. Қылмысқа жазасын өтеп жүріп барған.
«Сот-медициналық сараптама кешенді түрде жүргізіліп, Мальченко біраз уақыт бақылауда болды. Қоғамдық қауіпті әрекет жасаған оның сол кезде есінің дұрыс болмағаны анықталды», - дейді судья Ерлан Нұршәріпов.
Сот қылмыстық заңмен тыйым салынған әрекеттерді ер адамның есі дұрыс емес жағдайда жасағанын дәлелдей отырып, оны қылмыстық жауаптылықтан босатты.