RUS
Жетісу облысын басқарушыларды Orda News Youtube арнасына берген сұхбатында аяусыз айыптаған журналист аталған айыпты сөзін Антикор растай алатынын жеткізді.
Журналистің айтуынша, ол маусым айынан бері Антикорға арыз жазған. Өзінде бар тізімде облысты басқарған әкімдер, олардың орынбасары мен аудан әкімдері бар көрінеді. Дүйсенованың сөзінше, шенеуліктер қызмет үшін берілген үйлерді кеткен кезінде де қайтармаған.
- Мысалы, біреуінде үш пәтер бар. Ал Панфилов аудан басқарған Т.Ө Алматы облысы әкімінің кеңесші болып жүргенде алған үйін қайтармаған. Одан бөлек, тұрғын үйге мұқтаж ретінде әкімдікте есепте тұрған азаматтарға «Шаңырақ» бағдарламасымен 500 үй бөлінген. Оның шенеуніктер өздері бөліп алған. Өз туыстарына берген, - дейді журналист.
Құжат жүзіндегі дәлелдерді Сыбайлас жемқорлыққа қарсы іс-қимыл агенттігіне табыстаған Сандуғаш Дүйсенова «Шаңырақ» бағдарламасымен мұқтаж азаматтарға берілуі тиіс үйлер талан-таражға түскен. Бағдарлама бойынша бір бөлмелі үйдің құны 104 миллион теңгені құраған. Шенеуліктер ол үйлерді құда-жекжат, туған-туыстан бөлек, көңілдестеріне сыйға берген.
Сондай-ақ журналист осы арызының нәтижесінде, Антикор тексеріс жүргізіп, кейбір шенеулікті түрмеге тоғытқан.
Бұған дейін, 2022 жылы Талдықорғанда 1062 баспана заңсыз табысталғаны белгілі болды. Одан бөлек, Талдықорған қаласы әкімі баспасөз қызметінің хатшысы Мәди Шәкенов Алматы облысының бұрынғы әкімі Амандық Баталовтың көлік жүргізушісіне берілген пәтер мемлекетке қайтарылғанын мәлімдеген.
Сондай-ақ 15 тамыз күні Бас прокуратураның баспасөз қызметі Сандуғаш Дүйсеноваға қатысты қылмыстық іс тоқтатылғанын хабарлаған болатын.