RUS
Stan.kz басылымының ақпараты бойынша, отбасылық жанжалдан кейін ер адам әйеліне сабақ болсын деген оймен ерекше жоспар құрған.
"Телефонмен сөйлесу кезінде ерлі-зайыпты жанжалдасып қалған. Сөз барысында әйел көліктің өзінікі екенін, ал күйеуі үнемі көлікті мініп кететінін айтыпты. Сондықтан әйеліне сабақ болсын деген оймен жоспар құрып, көлік ұрлауын қолдан жасапты. Осылайша ағасынан көлікті гаражға кіргізіп қоюды сұраған. Кейін автоның ұрланғанын хабарлады", – делінген хабарламада.
Ер адамға жалған ақпарат таратқаны үшін екі жылға бас бостандығынан айыру жазасы тағайындалған.
"Қазіргі уақытта сотталушы Ұлан ауданының пробация қызметіне тіркеуге алынды. Онымен алдағы уақытта қылмыстық және әкішілік құқық бұзушылық жасамау туралы әңгіме жүргізілді. Сотталушы жазаны өтеу кезінде тәртіп бұзған жоқ. Алдағы уақытта әйелімен осылай қалжыңдаспайды", – дейді аға инспектор Шынар Баймұратова.