Қостанай облысында көлік апатынан үш жасар бала қайтыс болды
4 қыркүйек күні түс ауа Нечаевка ауылының маңында “Toyota RAV4” және “Нива” көліктері соқтығысты.
Апат салдарынан үш жасар бала көз жұмды. Сондай-ақ алты адам жарақат алып, жергілікті ауруханаға жеткізілді.
"Алдын ала мәлімет бойынша, “Toyota RAV4” жүргізушісі басып озу қауіпсіздігіне сенбей, қарсы жолаққа шығып кеткен. Жол-көлік оқиғасы бойынша Қазақстан Республикасы Қылмыстық кодексінің 345-бабы "Адам өліміне әкеп соққан жол қозғалысы ережелерін бұзу" бойынша сотқа дейінгі тергеу басталды", – делінген хабарламада.