RUS
Бұл туралы Мәжіліс депутатының өзі Facebook-те хабарлады.
Қаскөй анықталып, ұсталды, – деді депутат.
Алайда ол күдіктінің қалай ұсталғанын айтқан жоқ. Ол баласының арбасын біреулердің тапсырыспен өртеп жіберуі мүмкін екенін ғана айтты. Ал бүгін Алматы қаласы полициясының департаменті жедел-іздестіру кезінде қылмыстық құқық бұзушылықты жасады деген күдікпен 1991 жылы туған Б. есімді азаматтың ұсталғанын хабарлады.
Оқиғаның басқа да мән-жайлары анықталуда, – делінген полицияның мәліметінде.
Бұған дейін Алматыда Бақытжан Базарбектің отбасына тиесілі балалар арбасын белгісіз біреудің үйдің алдында өртеп жібергенін жазған еді. Ол бұл оқиғаны бұрын билікте болған адамдардың ісімен байланыстыратынын жасырмады.
Менің отбасыма белгісіз біреулерден қоқан лоққыға ұксайтын әрекеттер басталды. Кішкентай балапанымның коляскасын квартирамыздың есігі алдында жағып жіберген. Осылай, Ескі Қазақстанның өкілдері өзінің бар-жоғын ескертіп, білдіріп отырғандай сезінесің! Не болса да тергеу қорытындысын күтейік, – деді депутат.
Қазір құқық бұзушылық ҚР ҚК-нің 293-бабы бойынша тіркеліп, тергеу амалдары жүргізілуде.