RUS
10 қазанда Павлодар жедел уәкілдері Ақтөбе қаласының 17 жастағы тұрғынының жоғалғанын анықтап, іздестірді. Ол 5 қазанда үйден кетіп қалған, оның қайда жүргені белгісіз болды.
Жасөспірім әлеуметтік желілерде қызбен танысып, оған Павлодарға барған. Алайда ата-анасына ескертуді ұмытып кеткені белгілі болды. Кейінірек ол ескертпей кетуіне тек сүйіктісімен кездесіп, серуендегісі келгені себеп болғанын түсіндірді.
– Қазір кәмелетке толмаған бала Павлодар қаласының өмірлік қиын жағдайдағы балаларды қолдау өңірлік орталығына орналастырылды, онда ата-анасы келгенге дейін болады, – дейді Павлодар облысы полиция департаментінің баспасөз қызметі.
Айта кетейік, осы жылдың басынан бері Павлодар облысының полиция қызметкерлері жоғалған 57 азаматты хабарсыз кеткен деп жариялады. Қабылданған шаралармен 47 іздестіріліп, туыстарына қайтарылды.
– Әрбір өтініш бойынша полиция қызметкерлері орналасқан жерін анықтау бойынша шаралар қабылдайды. Тергеу-жедел тобы адам туралы жалпы мәліметтерді белгілейді: жасы, бойы, салмағы, дене бітімі, шаш пен көздің түсі, киімі, ұялы телефон нөмірлері, достары мен әріптестерінің аясы және т.б., ауруханалар, мәйітханалар және басқа да арнайы мекемелер тексерілді. Балаларды іздеген кезде ювеналды полиция инспекторларымен бірлесіп сыныптастарының, достарының аясы, сауда үйлері, компьютерлік клубтар тексеріледі. Еріктілер ұйымдары қосылады, – дейді полиция.
Жасөспірімдердің үйден кету себептері – өтпелі кезең, наразылық, махаббат. Сонымен қатар, отбасындағы ұрыс-керіс баланың жеке басына үлкен әсер етеді және оның туған үйінен кетуіне себеп болуы мүмкін. Кәмелетке толмағандар заңды бұзған кезде ата-аналарына жағдайды қалай түсіндіру керек екенін білмейді.